Fotballsupportar

Det virkar so det er eit veldig jag etter den “viktige” kvalikkplassen for Sogndal denne hausten. Me er 3 poeng bak 6.plassen 4 rundar før slutt. Eigentleg 4 sidan me har dårleg målskilnad, men er det eigentleg noko poeng i å hamna på kvalikk i år?

Me har ikkje fått spelt inn nokon klar første-11’ar, me har 2 spelarar på leige so spelar fast, me har nokre gode ungdomar so heilt klart treng ein god sesong til på dette nivået for å ta neste nivå, og me manglar referansespelarar i alle ledd.

Eg tippa Sogndal rundt midten på tabellen før seriestart og det er ikkje so langt vekke det tipset når sesongen er over uansett utfall i dei siste 4 rundane. Men eg tenkjer at det er viktig å ha ein fot i bakken, og la dette laget utvikle seg vidare med nokre signeringar i løpet av vinteren. Og so kan det kanskje vere lurt med ein lang fotballpause når 30 serieomgangar er unnagjort, so ein slepp å kasta vekk masse energi på førebuingar og ein kvalikk der me, i beste fall, har ein ørliten sjanse til å gå heile vegen. Og når me først tek steget opp ein divisjon, so må me ha lag til å rykka opp med. Det har me ikkje pr. no. SNP

Klubben først.

Snakkast.

No når ein har fått Allmannamøtet litt på avstand, so har eg gjort meg opp nokre tankar. Møtet var konstruktivt og godt det. Det var óg gledeleg at so mange kunne møta på kort varsel, og at tonen var god og sakeleg gjennom heile møtet.
No var dette møtet meir av den sportslege karakteren og dei fleste spørsmåla var retta mot A-laget og Sport. Eg hadde fleire spørsmål også so var av den meir organisatoriske og administrative sorten, men håpar eg får sjansen til det ved eit seinare høve.

Denne helga arrangerar Sogndal FK Damer ei fotballhelg med forelesningar og eit flott opplegg med bl.a. Roger Finjord, Stine Hovland og Trine Lerum Hjellhaug på gjestelista. Dette er ei skikkeleg motivasjonshelg for dei so er glad i dame- og jentefotball og er lika interessant for både spelarar og leiarar. All honnør til arrangørane av dette arrangementet.

Attende til Sogndal og problematikken om å få bygdi til å samla seg rundt laget. Eg følte me kom litt nærare kvarandre på møtet forrige torsdag, men me har framleis ein lang veg og gå. Eg saknar so sagt meir openheit rundt klubben, og klubben startar allereie på aldersbestemt. På breiddefotballen sine eigne sider so har eg ikkje funne noko aktivitet i breiddestyret sidan 2020. Møtereferat vert aldri lagt ut, og eg er usikker på om sidene deira i det heile blir oppdatert. Men det har kanskje ei plausibel forklaring?

Annonsørinnhold

20 bestselgere som garanterer nytelse

Uansett so trur eg at for å få bygdi til å samla seg so lyt ein gi jentefotballen eit løft. Dei må få same moglegheitene so gutane. For dei so ikkje kjenner meg veldig godt, so har eg ein jentunge på 13 år. Ho ga seg med fotball for 2 år sidan, so eg har ingen eigainteresse i dette. Jentene må få lov å bli gode dei óg, og få dei same moglegheitene. Då blir det óg lettare for folk å stille på dugnad når ein har dette so bakteppe. Det er den einaste vegen og gå.

Sogndal Fotball og Sogndal FK Damer vil på eit eller anna tidspunkt måtte fusjonera for å samla klubben og bygdi. Dei har allereie gjort det i Bergen og Brann.
https://www.brann.no/nyheter/arsmotene-vedtok-fusjonering-av-sportsklubben-brann-og-sk-brann-kvinner

So det er berre å setta seg til forhandlingsbordet å staka ut kursen for ei samla fotballbygd og ein samla klubb. Det er den einaste måten me kan hevda oss nasjonalt på i toppfotballen. So Sogndal Fotball seier; Klubben må vera sjef. Klubben er bygdi. Bygdi er sjefen. SNP

Klubben først.

Snakkast.

Ei veke er gått sidan møtet i Flostova på Fosshaugane der det var ca 40 frammøtte. Ca halvparten av desse var frå klubb, anten so ansatt eller i eit verv.

Styreleiar Jan Rune Årøy opna møtet og introduserte Tore André Flo der han inneia med å fortelja om sesongen so langt og om kvar fokuset har vore og om kva tankar ein hadde framover. Han fortalte også om den store utskiftinga i spelarstallen og holdt det gåande i nesten 10 minuttar før det vart opna opp for spørsmål frå salen.

Eg stilte følgjande spørsmål undervegs i dette møtet:

Annonsørinnhold

Vårens kuleste sneakers til henne

• Blir spelarar henta til klubben for å passa inn i eit system, eller blir dei henta pga eit potensielt potensiale? TAF svara på dette at det var ei kombinasjon av begge deler, men den tyngste vektlegginga var at dei skulle passa inn i systemet.
• I følgje sportsplanen skal spelarstallen bestå av referansespelarar, klubbspelarar og utviklingsspelarar. Kven er referansespelarar i dagens stall? TAF svara her at han ikkje ville diskutera namn, og eg omgjorde spørsmålet mitt litt seinare i møtet til, kor mange referansespelarar har me i dagens stall? Me fekk heller ikkje høyra antal eingong på dette spørsmålet, og eg tykte dette var det spørsmålet eg hadde der eg fekk minst svar. Det vart snakka veldig mykje rundt grauten på desse 2 spørsmåla.
• Er det verkeleg ikkje fleire spelarar frå Sogn Og Fjordane so ikkje tek/held nivået i OBOS-ligaen? Eit eksempel her er Ørjasæter, so kom frå Kretsligaen og han har klart seg veldig greit denne sesongen. På dette spørsmålet tok Tommy Øren ordet, og han sa at dei har veldig god oversikt på spelarar frå fylket gjennom Nasjonal G14, G16 og G18 der spelarar frå andre klubbar hospiterar hjå klubben. Han nemnde også andre spelarar so er knytt opp mot sine seniorlag i sine respektive klubbar, so dei har god kontakt med.
• Me har hatt store utskiftingar på spelarsida dei siste 5-6 sesongane. Når kan me sjå kontinuitet på spelarfronten dei neste åra, og kjem me til å få sjå spelarar so bikkar 120-150 kampar for klubben? Her tok TAF ordet og dette var noko dei jobba knallhardt med kvar dag. Når ein henta spelarar var det fordi dei skulle vere her iallefall 3-4 sesongar. Håvard Flo supplerte med at det ikkje var lett å lokka spelarar til Sogndal fordi me var ein liten plass og ikkje akkurat verdas navle. Min eigen kommentar til det er at det virkar so det øvrige næringslivet i bygdi og omland ikkje har vanskelegheiter med å tiltrekka seg dyktige folk, so kvifor skulle det vere problem for ein fotballklubb?
• Har ein lagt ein plan for framtida i høve resultat? Skal ein f.eks. vere eit etablert Eliteserielag frå 2025? Her tok Styreleiar JRÅ ordet og Strategiplanen 2021-24 seier at me skal bygga eit fundament slik at me er rusta for å stå i Eliteserien når me endeleg rykkjer opp i 2024. For Strategiplanen seier at då skal me vere i Eliteserien. Det er jo musikk i øyrene på ein supportar, so får me sjå korleis ting utviklar seg i 2023, og om denne planen treng og justerast.
• Akademiklassifiseringa. Når får klubben på plass eit samarbeid med ungdomsskulen for å henta dei 7 gratispoenga so ligg der? Her svara utviklingssjef Erling Ola Fykse at det var på trappene og at klubben jobba i tillegg med fleire andre prosjekt der ein skal kunne henta dei poenga so gjer at klubben bikkar 110 poeng og kvalifiserar for 3 stjerner og ekstra midlar frå Norsk Toppfotball so gjer at ein kan ha den satsinga på utviklingsavdelinga so ein har lagt opp til.
• Sist eg sjekka, vår 2021, so hadde me den 12.største fotballøkonomien i Noreg målt i omsetnad. Føler de at me får ut potensialet vårt eller er det fleire “poeng” å henta pr.million i omsetnad? Her tok JRÅ ordet og var delvis samd i at me burde få meir ut av ressursane våre. Yngve Hallén meinte samanlikninga mi med andre klubbar vart heilt feil då klubben kunne selja Idrettssenteret i morgon og då forsvann 20 millionar. Idrettssenteret hadde ein omsetnad på 16 millionar i 2021, men er heileigd av Sogndal Fotball AS. Men pengar inn og ut gjeld for alle fotballklubbar, so eg tykkjer samanlikninga mi er heilt rettvis.
• Korleis opplever Sogndal Fotball den kraftige publikumsnedgangen dei siste åra? Her tok JRÅ ordet først, og dei hadde jo merka seg at det var mindre folk på tribunane. Elles blir det jobba med diverse tiltak ut mot skular og aldersbestemte lag frå andre kringliggande klubbar. Her var Rolf Navarsete frampå med at det var 110.000 sjåarar so såg oss på TV kvar runde, og berre mot Brann var det 60.000 unike sjåarar. Eg veit ikkje kvar han hentar tala sine frå, men eg veit frå Discovery at OBOS-ligaen direkte har i overkant av 100.000 +/- sjåarar kvar runde.
• Skal me vere ein klubb so er springbrett for resten av Norge? He svara TAF ganske tydeleg at det skulle me ikkje vere, samstundes so sa Håvard Flo at det var so knallhardt å knyta til seg unge spelarar då det var mange klubbar so kjempa om dei same talenta. Klubbar so Aalesund og Brann har også full kontroll på kva so skjer i Sogn og Fjordane, og difor måtte ein ofte velgje frå 2. og 3.hylle.
• Øyvind Heimset Larsen stilte også mange spørsmål, og eit av dei var kvifor me i år har sett so veldig mykje krampe blant Sogndalspelarane på slutten av kampane kontra tidlegare år. Er me dårlegare trent i år? Her svara TAF at det var me ikkje. Dei hadde data på det meste og dei fortalte litt om trackingsystemet Sogndal nytta. Ingenting på innsamla data skulle tyda på det. Men dei skulle ta ei evaluering etter sesongen å gå gjennom tala nøye for å finna ut kva dette skuldast. Øyvind må gjerne supplera meg på dei spørsmåla han stillte.
• Hans Peter Sims spurte om kvifor det aldri var A-lagsspelarar so leia nokon av øktene på fotballskulen om sommaren. Han sa at det hadde betydd enormt mykje for ungane so var med der, og det hadde verkeleg vore rosina i pølsa. Ikkje misforstå meg, sa han, men 16-18-åringane so hadde øktene var endeleg flinke dei, men det hadde vore kjekt å sjå nokre stjerner for ungane og hadde vore so motiverande for dei. Erling Ola Fykse svara på dette spørsmålet, men eg trur ikkje han fekk med seg kva det vart spurt om, og svara eigentleg på noko heilt anna.
• Stig Nord stilte eit spørsmål i høve utviklingsavdelinga og hans lag G15 so han har trena i ei årrekkje. Eg oppfatta spørsmålet so eit lite stikk til klubben, og eg vart ikkje klok på svaret Stig fekk heller.
• Therese Blomberg stilte spørsmål om kvifor bygdi aldri var pynta til kamp lenger. Før so hang det jo skilt på alle innfartsårene at i dag var det kamp, og bruene i bygdi var pynta med svarte og kvite flagg. Dette er eit sakn. Klubben hadde ikkje noko godt svar på dette, og var sjølvsagt noko ein kunne sjå på. Kva kan me supportarar bidra med her?

Dette var det eg sit att med etter møtet. Det vart stilt fleire spørsmål frå andre møtedeltakarar óg, men eg hugsar ikkje dei konkrete svara, men der kan kanskje spørsmålsstillarane komplimera meg i kommentarfeltet. Sogndal Fotball filma heile møtet og eg håpar det vert tilgjengeleg for ålmenta.

Oddvar Flæte tok ordet på slutten av møtet og takka dei so tok initiativet til dette møtet og at ein klarte å få det i stand på veldig kort tid. Han tykte møtet var både informativt og konstruktivt.

Eg er samd i det.

Og so håpar eg at klubben såg ein verdi i dette, og at dette er noko ein kan ha so ein fast møteplass, både i motgang og medgang.

Klubben først.

Snakkast.

Etter avisoppslaget hjå Sogn Avis med Jacksen, Tonje og meg, og samstundes kommentaren til Endre Romøren etter kampen mot Bryne, so tok eg difor og skreiv ein mail til Styreleiar Jan Rune Årøy og Dagleg Leiar Lars-Olav Hausberg i Sogndal Fotball no i kveld.

“God kveld.

Annonsørinnhold

I butikk nå: Sommerens lekreste kjoler

Etter 2 – 5 tapet mot Fredrikstad på laurdag ser det alt anna enn lyst ut for Sogndal. Med 4 tap på dei 5 siste kampane og 17 baklengs og der keeperen vår scorar høgast på børsen i Sogn Avis, vitnar det om eit defensivt havari av den sjeldne sorten.

Tore André Flo kom inn so eit friskt pust og Sogndal har spelt ein offensiv fin fotball til no i sesongen. Store delar av spelarstallen har blitt bytta ut og nye spelarar har kome inn. Eg sa før sesongen at TAF og trenarteamet må få eit par sesongar på å setta laget, formasjon og spelmønster. Og eg står framleis for dei orda. Men eg vil samstundes sjå utvikling og framgang. Med dei siste kampane og stortapa friskt i minnet føler eg at me går i heilt feil retning. 

Etter kva eg kan sjå av intervju og uttalingar på sogndalfotball.no og Sogn Avis, so seier brorparten av nysigneringane at dei ser på overgangen til Sogndal so eit springbrett på deira vidare karriere. Samstundes har me henta 2 unggutar på lån frå Lillestrøm so er her for å få speletid på eit ok nivå, før dei vender attende til Romerike etter sesongen. Det virkar på meg so nesten alle me har henta ikkje er nokre permanente løysingar.
Måla renn inn bakover hjå oss, og forsvarsfiraren + keeper har ein veldig vanskeleg jobb føre seg når det ikkje er hjelp å få frå dei 6 framføre dei. Akkurat no manglar me berebjelkar og referansespelarar i alle ledd. Og det er so absolutt ikkje bra. Utfordringane TAF og teamet står ovanfor er enorme, men her må klubben ved både styret og den sportslege leiinga ta størsteparten av ansvaret. 
Skal ein bygga klubb lyt ein ha eit sterkt kollektiv, noko me ikkje har akkurat no. Det me har no er 11 spelarar so kun spelar for seg sjølv og ikkje gjer jobben sin. Det er ingen so tek dei tunge defensive løpa i 90 minuttar so kan hjelpa laget defensivt. Dei tenkjer kun på seg sjølv og neste angrep, og for å stilla best mogleg utkvilt for å prestera best mogleg offensivt so ein kanskje fangar interessa til “større” klubbar slik at ein kjem seg herifrå fortast mogleg. Eg vil ha spelarar so set klubben framføre seg sjølv heile tida, frå nyare tid, type Asle Hillestad, Dag Christian Sørum, Rune Buer Johansen, Hannu Patronen og Rune Bolseth. Då snakkar me klubbspelarar.

Sogndal Fotball har den, sist eg sjekka, 12.største økonomien i norsk fotball. Akkurat no ligg me på 22.plass i seriesystemet. Eitt fattig poeng framføre Raufoss. Me underpresterar noko hinsides i høve forutsetningane me har for å driva fotball på toppnivå i Noreg. Og me har underprestert alt for lenge. Me kastar pengar og poeng ut glaset kvar veke, og me må heilt klart byrja å sjå på strukturen til klubben. Har me rett folk i rette posisjonar? Får me utnytta kompetansen til alle so er her på best mogleg vis? Og ikkje minst, kva manglar me av kompetanse? Og ikkje kom dragande med ei oppseiing av TAF, eller “mutual agreement”, so det so fint heiter. Det løyser ingenting. Problemet til Sogndal stikk mykje djupare enn det. 

Her har styret, ved styreleiar Jan Rune Årøy, fått ei skikkeleg utfordring. Men utfordringar er til for og løysast. Og eg har tru på at det let seg gjera. SNP

Klubben Først.

Snakkast.

I dag skreiv Sogndal FK Damer historie og spelte sin første offisielle heimekamp på Fosshaugane og Frigg frå Oslo var motstandar på andre banehalvdelen. Frigg er eit lag so satsar hardt mot opprykk og har vore nær dei siste sesongane. Sogndal kom heim med 3 poeng i bagasjen frå den første kampen borte mot Høybråten og Stovner og det unge laget til trenar Robert Hovland fekk den første store testen her.

Sogndal sine unge håpefulle, dei fleste i alderen 16 til 18, gjekk ut utan å tenkja på kven so stod på andre sida av bana. Respekten var lagt att i garderoben og til å byrja med kunne ein kanskje tenkja seg at dette er noko dumdristig. Men Sogndalsjentene ga ikkje ved dørane og var fullt på høgde med motstandaren det første kvarteret, til tross for at Maia Øen i Sogndal-målet måtte i aksjon ved eit par høve. Etter at eit lite Friggovertak det første kvarteret hadde lagt seg, so jamna kampen seg meir ut. Sogndal tørra å spele sitt eige spel med oppbygging bakfrå, oppspel sentralt i midt med dame i rygg, og ned og deretter ut breitt. Eg trur ikkje heilt Friggspelarane var klar over kva so møtte dei på Fosshaugane, for Sogndalspelarane var over dei so nokre haukar frå første minutt og vart løfta fram av ein ivrig gjeng bak målet i form av Saftkokaradn.

Like før pause vinn Sogndal ballen høgt i bana og Anna Grindhaug blir sett opp 1 mot 1 25 meter frå mål og utfordrar eine midtstoggaren til Frigg. Grindhaug blir lagt i bakken innanfor 16 og straffe til Sogndal. Den ekspederte løpsmaskina på topp, Marte Hovland, sikkert i mål til stor jubel frå dei frammøtte. Og med det gjekk laga til pause med leiing til Sogndal.

Annonsørinnhold

20 bestselgere som garanterer nytelse

2. omgang starta nesten identisk med første . Frigg med eit lite overtak, og denne gongen fekk dei betalt. Keeper Maia Øen var uheldig og Frigg kunne setta 1-1.
Men etter dette dreia alt seg om heimelaget. Dei pressa, takla, sprang og ofra seg for kvarandre. Høgreback Thea Sviggum Elle fekk seg ein skikkeleg trøkk i hovudet so blodet spruta og måtte bytast ut. Jogga ut for eiga maskin for behandling til stor applaus frå publikum. Slik innsats likar me.

Det gjekk ikkje lange stunda før Sogndal kom seg fint ned på høgresida og eit solid innlegg traff Andrea Sælid Njøs so hadde ein enkel, men viktig, jobb med å setta ballen i mål. Heimepublikummet var i sjuande himmel. Sogndal stod godt i formasjonen sin og i det ein trur dei skal legga seg bakpå å prøva og ri leiinga inn, so fortsette ein med å spela sitt eige spel. Anna Grindhaug på midtbana og midtstoggar Josefine Thorsnes Lefdal spelte framifrå fotball. Grindhaug med kloke val med ball og god oversikt, i tillegg til å vere den terriaren på midtbana, hadde ein meget god kamp og var Sogndals beste i dag. Thorsnes Lefdal har kvalitetar so midtstoggar, og spesielt når ho avanserar med ballen i føtene framover i bana. Då skapar ein ofte overtal sentralt og det blir ofte farleg framover då ein får veldig mange valmoglegheiter. 

Sogndal heldt stand og var nære på 3-1 ved eit par høver. Dei hadde eit skot i tverrliggaren frå frispark og var også åleina med keeper etter ei nydeleg frispeling sentralt. Frigg prøvde å legga eit lite trykk på Sogndal på slutten, men dei kom ikkje noko nærare enn eit par halvhjerta forsøk so Maia Øen tok seg greitt av. 

Sogndal sikra seg difor 3 nye poeng i vårsoli på Fosshaugane, og det var ein fullt fortent siger. Sjølv om eg nemner nokre namn lenger oppe her so var dette først og fremst ein lagsiger der alle saman løfta kvarandre opp og fram. Desse jentene blir eit friskt pust på Fosshaugane framover og viss du likar fotball er dette absolutt eit lag du må få med deg. Utruleg kjekt å vere til stades på Fosshugane i dag. 

Må også få trekka fram innsatsen til dei vél 20 supportarane frå Saftkokaradn so laga bra støtte og stemning bak målet. SNP

Snakkast

Denne veka set Fotballpresident Lise Klaveness seg på flyet til Qatar for å delta på FIFA-kongressen i Doha. Med seg i kofferten har ho 26 punkt so vart vedteke frå det ekstraordinære forbundstinget 20.juni 2021. Ein kan kanskje seie at det er urettvist at det er Klaveness so må ta denne jobben, men slik er no det ein gong når Forbundstinget kom før kongressen i år. Klaveness går på talarstolen rett etter lunsj på torsdag. Då skal Infantino få svara for seg. 

Her er dei 26 punkta:

1. Umiddelbart reagere overfor FIFA når man blir kjent med nye alvorlige hendelser i Qatar, for å be dem bruke FIFAs påvirkningskraft mot Supreme Committee og myndighetene i Qatar for å oppnå raskest mulig endring.
2. Be FIFA arbeide mot myndighetene i Qatar for å opprette styrkede inspeksjonsmekanismer for raskt å oppdage og stoppe misbruk av arbeidstakere.
3. Arbeide for at FIFA stiller krav til myndighetene i Qatar om at migrantarbeidernes rettssikkerhet forbedres gjennom mekanismer som sikrer at arbeidsgivere som utnytter arbeidstakerne blir holdt til ansvar.
4. Utfordre FIFA til ytterligere tiltak for å sikre respekt for arbeidernes rett til å organisere seg i foreninger.
5. Støtte oppstarten av et ressurssenter for migrantarbeidere som er under etablering, ved å gå inn med startkapital, og sterkt oppfordre FIFA til å gjøre det samme.
6. Kreve at FIFA tar en aktiv rolle for å bidra til at arbeidere som har vært engasjert i bygging av stadion og infrastruktur tilknyttet VM i Qatar får det de har krav på.
7. Be FIFA kreve en garanti fra myndighetene i Qatar om at fri presse må ha adgang til landet og fasilitetene før under og etter mesterskapet. Dette innebærer enkel tilgang til visum for alle journalister som ønsker det. Pressens rolle er særlig viktig for å kvalitetssikre informasjon som gis og oppfølging av forholdene i landet.
8. Kreve at myndighetene i Qatar iverksetter tilstrekkelige tiltak for at LHBTQ+ personer skal føle seg velkomne og trygge som deltakere eller gjester i VM.
9. Sette krav til FIFA om at en permanent, uavhengig menneskerettighetskomite blir en sentral del av FIFA strukturen. Medlemmer av komiteen skal være nominert av internasjonalt anerkjente menneskerettighetsorganisasjoner og andre relevante og uavhengige aktører som FN, fagforeninger, akademia, sivilsamfunn og næringsliv.
10. Arbeide aktivt for at FIFA får på plass et system som sikrer åpenhet og uavhengighet ved nominasjoner til uavhengige organer i FIFA.
11. Sette krav til at FIFA forplikter seg til å følge prosedyren og tildelingskriteriene de besluttet i 2016 i alle fremtidige mesterskap i FIFAs regi.
12. Ta initiativ overfor UEFA for å sikre at deres tildelingskriterier og prosedyrer har samme minimumskrav som FIFA.
13. Få en forpliktende bekreftelse fra FIFA at de i alle kommende mesterskap kommer til å lage detaljerte strategier for selve gjennomføringen av mesterskapet. Mens tildelingskrav og policy er gjort permanent i FIFA, gjelder rammene for selve gjennomføringen kun for mesterskapet i Qatar.
14. Arbeide for at fremtidige tildelinger trekkes tilbake dersom arrangørlandet ikke har møtt FIFAs konkrete krav om endring innen en gitt tidsramme.
15. Stille krav om at det er en forutsetning at alle mesterskap gir fri presse adgang til landet og fasilitetene før under og etter mesterskapet. Dette må også inkludere klubb-VM som allerede er tildelt.
16. Stille krav til FIFA om kvartalsvise rapporteringer til alle forbundene om forberedelsene til mesterskapet i Qatar, med klare måleparametere. Spesielt på menneskeretighetsområdet.
17. Sikre at FIFAs reglement med krav om menneskerettigheter ved tildelinger blir fulgt ved alle avstemninger i FIFAs kongress, og at ikke noen mesterskap blir tildelt utenfor dette regimet.
18. Ta initiativ til at Norges Idrettsforbund og Norges Olympiske Komite gjennomfører en inkluderende prosess for å enes om hvordan vi sammen kan bygge og gjenoppbygge tillit til idrettens internasjonale verdigrunnlag, gjennom konkrete grep og tiltak som skal hindre sportsvasking og bidra til å styrke menneskerettigheter.
19. Tydeligere nedfelle i Fotballforbundets strategi at respekt for menneskerettighetene er en sentral del av norsk fotballs internasjonale verdier og interesser.
20. Utarbeide en strategi for hvordan norsk fotball kan styrke sin deltakelse og påvirkning i internasjonale fora og utvalg for å få gjennomslag for norsk fotballs vedtatte prioriteringer, spesielt arbeidet for menneskerettigheter, deltakelse og likestilling, og mot sportsvasking og korrupsjon.
21. Vurdere norsk fotballs prosedyrer for å beslutte hvilket kandidatur til arrangør av mesterskap som NFF støtter.
22. Nedsette et utvalg som skal foreslå retningsgivende regelverk for norsk fotball og menneskerettighetsspørsmål. [Og] Gjennomgå etisk komites mandat og funksjon og gir denne et kontrollansvar for de tiltak forbundstinget vedtar skal gjennomføres for å styrke menneskerettighetsarbeidet. Dette innebærer en rapportering til forbundstinget om gjennomføringen av beslutningene, i første omgang til det ordinære forbundstinget i 2022. For å sikre at etisk komité har tilstrekkelig kapasitet og kompetanse til å ivareta denne ekstra pålagte oppgaven, oppfordrer utvalget det ekstraordinære tinget til å vurdere et vedtak om å utvide antallet medlemmer.
23. Bli medlem av UN Global Compact og arbeide for at FIFA gjør det samme.
24. Sikre at NFF opptrer som en «ansvarlig kunde» ved norsk deltakelse internasjonalt gjennom å velge leverandører som kan vise at arbeider aktivt for ikke å bli involvert i grove menneskerettighetsbrudd/ brudd på arbeidstakeres rettigheter.
25. Innføre rutiner for at spillere og støtteapparat på landslagene og klubblag får tilbud om en grundig innføring i menneskerettighetssituasjonen i landene de skal besøke for å skape trygghet og legge til rette for informerte, individuelle valg rundt bl.a. bruk av ytringsfrihet.
26. Rapportere til hvert forbundsting om arbeidet med menneskerettigheter generelt, og oppfølging av de konkrete vedtakene forbundstinget har vedtatt rundt menneskerettigheter spesielt.

Annonsørinnhold

Jakkene som får frem vårfølelsen

Idrettspolitikk.no skriv om sist forbundsting og oppgåvene til presidenten: https://www.idrettspolitikk.no/2022/03/07/kommentar-store-forventninger-til-den-nye-fotballpresidenten/

Andreas Selliaas skal også til Qatar so får ein ei god dekning av saka.

Snakkast

VAR går so ein farsott over heile Europa for tiden med blanda kjensler for veldig mange av oss fotballinteresserte. Her i Noreg skal dette vere på plass i Eliteserien frå sesongen 2023 når TV2 overtek rettigheitane for norsk toppfotball. Eg høyrer på argumenta om kvifor me her i vårt vesle samfunn skal innføra slikt i vårt seriespel. 
«Fotballen blir mye mer rettferdig». «Det er så viktig å få dette på plass da alle de store ligaene ute i Europa bruker dette». «Vi kan ikke gjøre vår liga mindre populær enn andre nasjoner». «Det blir vanskelig for våre lag ute i Europa å hevde seg fordi de er vant med VAR».  

Eg kjøper ikkje argumenta i det heile teke. Dette er det verste so kan skje fotballen vår på kort sikt, og på lang sikt. Og her har Noreg ein unik moglegheit til å bli anleis-landet. Eg meinar at med VAR so forsvinn alt det spontane og euforiske tribunelivet. Det blir ei avventande haldning på alle scoringar so ikkje er 100% bankers. Og kor mange scoringar er det? Vis meg den dødballscoringa so dommaren ikkje finn noko å blåsa på i feltet.  Publikum på stadion får problem med å skjøna avgjerdene pga dårleg storskjermdekning og «mangel på kommentator». Det beste er at folk sit heime slik at det er råd å skjøna kva so skjer. Fotball er i ferd med å bli eit TV-show so eg verken har lyst å sjå eller ta del i.

Fotballen blir ALDRI rettferdig. So lenge du har sjeikar, oligarkar, amerikanarar og teknisk konkursramma klubbar so framleis får holda på, so kan aldri fotballen bli rettferdig. Og so har du FIFA…..! Det er kun pengane so rår. Me kan ikkje samanlikna oss med dei store ligaane ute i Europa, men me kan bli ein av veldig få ligaar so ikkje innfører VAR. Fotballsupportarar over heile Europa hadde valfarta til Noreg for å oppleva den «ekte» fotballen. So pass mange følarar har eg der ute. Fotball-turisme hadde blitt ein ny fot å stå på for reiselivsnæringa i dette langstrakte landet. Det er eg 100% sikker på. Og kor stor er den synergieffekten av tilreisande turistar for lokalmiljøa?

Annonsørinnhold

Vårens kuleste sneakers til henne

Ein blir ikkje automatisk dårlegare fotballspelarar av å ikkje ha VAR i heimleg serie.  Ein ser uansett ein trend at klubbane ute i Europa snappar opp våre eigne talent når dei er 15-16-17 år gamle. Dei har 1000-vis av speidarar på alle landslagsturneringar i aldersfastlagde klassar. So det får ingen konsekvens for landslaga våre i framtida om me står utan VAR. Det får heller ikkje konsekvensar for talentarbeidet. 

Om det skal få nokre konsekvensar for norske lag so konkurrerar ute i Europa har eg veldig vanskeleg for å sjå. Men det er berre ein måte og finna det ut på. Og det er å lata vere å innføra VAR i Noreg. Det kjem til å drepa fotballen slik me kjenner den. Me snakkar om eit godt sjøldrap her.

Torer me i Noreg å ta sjansen på og sei NEI til var?

Snakkast.

Etter at eg i går såg filmen Bohemian Rhapsody (Ja, eg veit eg er veldig seint ute) so har eg eit par kommentarar. Eg har Live Aid på DVD og spelte vel nesten sund opptreden til Queen på den konserten. Det so var veldig overraskande var at i filmen so blir dei framstilt veldig nervøse, mens i verkelegheita so osar det sjølvtillit av heile bandet og spesielt Freddie Mercury. 

Roger Taylor ser ut so ein “flytande” trommis på filmen, mens han i verkelegheita framstår veldig “kantete” og taktfast.
Det so var veldig bra var at dei fekk med var at Roger Taylor hjelp Freddie på dei høge oktavane akkurat so i verkelegheita.

Brian May har i filmen eit veldig usikkert og flakkande blikk, mens i verkelegheita har han ein autoritet og full kontroll på kjemien mellom seg og Freddie. I filmen so er det spelt inn eit usikkerheitsmoment på Brian May, so om han ikkje har heilt kontroll på kva Freddie vil finna på. Den ser ikkje eg i “real life”.

Annonsørinnhold

20 bestselgere som garanterer nytelse

John Deacon er mykje meir beskjeden på scena i verkelegheita og har ein nesten unnskuld-at-eg-er-til-haldning. I filmen har han blikket løfta nesten heile tida og utstrålar på ein heilt anna måte enn han gjer til vanleg.

Og so klarar dei ikkje å gjenskapa atmosfæren på Wembley og til publikum og at Freddie har dei i si hule hand frå første tone. Og dei får heller ikkje med seg den enorme sveittinga til Freddie og spyttinga i mikrofonen når han syng.

Vurdèr sjølv her: https://www.youtube.com/watch?v=AFUgCIvbLIs

Og ver gjerne ueinig med meg….

Snakkast

Sogndal tok i ettermiddag ein komfortabel 3-0 siger mot Hødd i Sognahallen etter at det stod 2-0 til pause. Peter Godly Michael scora det første. Emmanuell Grønner(hospitant frå Kjelsås) scora nummer 2 på straffe etter at han vart felt sjølv. Det tredje målet kom etter eit flott raid av Anders Nord, so vart felt og skulle hatt straffe, men dommaren nytta seg av fordelsparagrafen og Kristoffer Stenset kunne enkelt sette ballen i mål frå kort hald.

Sogndal spelte i ein klassisk 4-4-2 med flat firar på midten. Michael og Grønner starta på topp. På midten hadde me frå høgre Ørjasæter, Krüger, Steinset og Stakset(hospitant frå Fana). Og bak so starta frå venstre P.E.Flo, Roseth, Lereng og Gunnarson. Sætren mellom stengene. Vart sjølvsagt mykje byter i pausen. 
Bl.a. so fekk Marius Årøy sin debut på A-laget på venstrebacken siste kvarteret. 

Kva skal ein trekka av konklusjonar etter ein sånn kamp? Sogndal skal iallefall spela 4-4-2 og det skal også Sogndal 2, Sogndal G18 og Sogndal G16 gjera. Tippar dei kjem til å variera litt i midtbaneleddet, der dei kan spela diamant og 4-1-3-2 alt etter kva motstandarar ein møter. 

Annonsørinnhold

Vårens kuleste sneakers til henne

Sondre Ørjasæter på høgre midt/kant viste prov på veldig kvikke føter. Hadde bl.a. ein 1-2-finte der han parkerte 2 spelarar. Likar å utfordra med ball og virka tilsynelatande uredd.

Emmanuell Grønner på prøvespel frå Kjelsås er ein spelar eg håpar dei hentar permanent. Kjapp i kroppen og skaffa sjølv straffen so han scora på. Viste bra temperement i 2.omgang då han vart holdt att. Det er noko Sogndal treng. Burde ha gjort mål i 2.omgang då han kom åleina med keeper og burde ha runda han. Har masse hurtugheit i seg.

Hördur Gunnarson på høgreback vart erstatta av Andreas Hoven i pausen. Kom greit i frå det i debuten. Såg ut so han fekk ein smell i hofta og heldt seg til denne med høgrehanda då han gjekk til pause. 

Valdimar Ingemundsson kom inn til pause på sentral midt. Kom heilt greitt i frå det, og skal bli spennande å følgja vidare. 

Daniel Sætren kom godt i frå det. Ei god redning og viser at han har eit veldig godt tilslag med høgrefoten.

Det var det. SNP

Snakkast.