2020 er snart historie og 2021 bankar på døra. Året so er gått har vore eit av dei kjedelegaste og tristaste åra for veldig mange pga pandemien so har herja i heile verda. For meg personleg har det vore eit av dei aller beste.
Då eg bestemte meg for litt over eit år sidan at no skal eg ta tak i eiga helsa, so var det ingen so såg korleis 2021 kom til å sjå ut. Då eg vog meg 1.januar 2020 og vog over 128 kg og eg starta med prosjektet mitt, so visste eg ikkje korleis dette kom til å gå. Planen var so kjent å eta seg ned til 120 kg og deretter starta og trena. Dette skjedde nesten samstundes so landet og forsovidt verda også stengde ned i medio mars. Plutseleg fekk eg mykje betre tid til å faktisk trena. Det var ingen fritidsaktivitetar å følgja ungane på, ingen fotballkampar å sjå og alle ettermiddagar og kveldar var ledige. Eg fekk med meg Tor Henning Mardal og me starta å gå fram på Tyldebrui. Me klarte og mitivera oss godt sjølve og treninga vart ein sosial møteplass, sjølv om det ikkje var mykje prat i nokon av oss i bakkane ved Ospesete. Det vart mange turar til Tyldebrui på vårparten. Treninga fekk ein kickstart og kosthaldsendringa gjekk lettare enn eg frykta. Kiloane datt av litt etter litt og formen vart mykje betre. Etterkvart so snøen smelta i Slakkalii, so byrja me å gå der. Dette vart god trening.
Når sommaren kom so byrja me å gå på Slakken og etterkvart so snøen forsvann so vart det mange turar opp på Trafoen. Det vart også mange turar på mange fjelltoppar i løpet av året. Den tyngste turen eg og Tor Henning hadde var Skriki. Var so vidt me var heime att før det var mørkt.
Eg satte meg eigentleg eit mål om å koma ned i 100 kg før året var omme, men eg måtte justera målsetninga. Det vart litt for bra dette her. Den lægste målinga eg hadde på badevekta var 89,6 kg, men det var det spesielle grunnar til. No ligg eg og vakar midt på 90-talet og er nøgd med det.
Eg hadde også planar om å legga vekk sigarettane på dette prosjektet, og fann ut at bursdagen til gutungen den 18.november kunne vere ein passande dag å gjere det på. Iallefall lett for meg sjøl å hugsa dagen. So no har ein vore 6 veker røykfri og det går veldig greitt. Har brukt nokre slike nikotinpastillar so erstatning og klarar meg med 2 stk om dagen. Det er ikkje slike stikkpillarar for dei so lurte på det.
So 2020 kjem eg til å hugsa best for då eg tok nakkagrep på meg sjøl og kom ut so ein betre versjon av meg sjølv slik fysisk. Hovudet er det diverre ikkje råd å få gjort noko med.
So då er det berre for meg og takka for 2020 og ønskja alle saman det beste for 2021.
Vidar