Dette innlegget kjem sikkert til å såra nokon, og mest truleg kjem det til å skada meg sjølv so person. Men eg er berre nøydd å få lufta desse tankane og meiningane.
Forrige fredag var det ein artikkel i Sogn Avis der Rolf Navarsete er verkeleg bekymra for framtida til klubben. Han seier at det er berre eit spørsmål om tid før Sogndal er ein lokal klubb i 3.divisjon og at me er ein toppklubb på lånt tid. Han legg den største skulda på at det blir so mange kræsj med foreldre og familie, og kanskje heile grender, til ungdomar so ikkje får sjansen på A-laget. Og når det blir 50-100 slike dømer på ein 20-års periode, så er det ikkje lett å framleis tora å tenkja at ein skal vera på eit nivå som er unaturleg for ein klubb frå bygdi.
Det Rolf meiner her er vel at det er veldig sterke foreldregrupper i den aldersfastlagde fotballen i Sogndal. Og det kan han ha rett i, men eg tenkjer at dette ikkje kan vere nok til å velte Sogndal so toppklubb. Her må det ligge noko meir bak.
Ingen kan ta ifrå Rolf og Svein og alle dei fantastiske folki dei hadde rundt seg for den fantastiske jobben dei har gjort for å få Sogndal til der me er i dag. Rolf hadde ikkje klart dette åleine. Heile bygda var engasjert. Alle stod saman og drog i same retning med Rolf og Svein med ei hand på rattet kvar.
Det har vore kjent i bygdi i veldig mange år at gjengen på Fosshaugane blir kalla Gutteklubben Grei. Det er veldig mykje kameratskap og alle kjenner alle, og dei har i tillegg mykje samsudl privat. Og so har det vokse fram ein kultur at enten er du med oss, eller so er du mot oss. Eg har ei svak kjensle av at Rolf har styrt Sogndal Fotball med stø hand dei siste åra, sjølv om han ikkje har vore tilknytt verken so ansatt eller i styret. Han er ein samtalepartnar for mange i klubben, ifølgje avisa.
Eirik Bakke var ute i fjor etter 4-0 sigeren heime mot Jerv og trua med å slutta so trenar viss det var so laber oppslutning, interesse og likegyldigheit. Han klaga også på negativitet og sutring i retning laget. Sogndølene er ein gjeng so er sutrete. Då kan ein vel konkludera med at Eirik er eit resultat av bygdi. Han sutrar han óg. Men kvifor er det laber interesse og dårleg oppslutnad rundt laget sine kampar?
Eg òg kjenner på at det er veldig mange so ikkje likar Sogndal Fotball i Sogndal. Når tidlegare lagkameratar av både Rolf og Eirik ikkje går på kamp so kan ein byrja å lura kva so eigentleg skjer. Har det noko med korleis klubben blir drifta administrativt? Er det sport folk ikkje er nøgde med? Eller er det rett og slett samansett av veldig mange faktorar? Ein treng heller ikkje på død og liv ansetta kameratar og vener over ein låg sko. Og av og til lurar folk på om ein leikar stolleiken på Fosshaugane. Og når ein jobbar med mange kameratar og vener so vernar ein ofte om kvarandre. Slik er me menneske skrudd i saman.
Noko eg har merka meg dei siste åra er at når eg har vore kritisk til Sogndal Fotball og nytta meg av sosiale media, so har responsen vore laber i SoMe. Men når ein møter folk på butikken eller i Sognahallen, so seier folk det direkte til meg at det var eit veldig bra innlegg du skreiv på Facebook hin dagen, men eg torer ikkje trykka “Liker” på innlegget. Kvifor gjer ikkje folk det? Er dei redde for Rolf og gjengen? Er det for og ikkje hamna på “utsida” og ikkje vere ein del av “eliten”? Eg beklagar, men her kjem den ukulturen til syne gjennom “enten so er du med oss, eller so er du mot oss.”
Sogndal Fotball har “Inkluderande” so 1 av sine 4 kjerneverdiar. Frametter 2000-talet og 2010-talet er det veldig mange av dei friviljuge so har slutta i klubben. Eg har snakka med mange av dei. Mange av dei opplevde å få kjeft på dugnad når ein stilte opp gratis. Konstruktiv kritikk toler alle, men fleire av dei opplevde det so so ubehageleg at dei ikkje ville vere ein del av dette. No tenkjer du kanskje at eg sit og diktar opp historiar, men det er ikkje sanninga. Mange av dei eldre trufaste friviljuge vart før ein sesong ikkje kontakta om dei ville vere med neste år. Dei vart plutseleg sett på sidelina utan so mykje so eit klapp på skuldra. Då snakkar du om folk so har vore friviljug i 20-30 år. Folk so jobbar dugnad før kamp gjer jobben sin og går heim når kampen byrjar. Kvifor gjer dei det? Inkluderande? Usikker.
Eg har lenge ønskt å få til eit ope møte der Sogndal Fotball inviterar alle so har interesse av det til å koma, og med open mikrofon. For eg meinar at me heilt klart må klargjera lufta og få vekk masse grums so ligg i farvatnet vårt. Eg gjorde eit forsøk pr.SMS med styreleiar og dagleg leiar attende i 2017. Og pr.mail med styreleiar og dagleg leiar i fjor. Diverre har ikkje dette funne sin plass i kalendaren, noko eg tykkjer er særs trist. Her ser eg berre moglegheiter, og det burde vore i Sogndal Fotball si interesse å få arrangert eit slikt ope møte minimum 1 gong pr. år. Årsmøtet er ikkje ein slik arena.
Når eg spelte inn forslaget mitt til årsmøtet i 2018 trødde eg antakeleg mange på tærne. Sogndal Fotball er eit allianseidrettslag med Sogndal Idrettslag. Det viste seg at det var null dialog mellom gruppene. Eg tenkte dette måtte vere vinn-vinn for bygdi. Eg var i 2 møter i forkant av årsmøtet med styreleiar. Det første møtet var om kva tankar eg hadde for å senda inn forslaget og det andre møtet var vel meir for å få meg til å trekka forslaget. Eg lot det stå til årsmøtet før eg trakk forslaget. Det so var kjekt å sjå var at det var veldig folksomt på årsmøtet, trur det vart mobilisert, og at det vart direktesendt hjå Sogn Avis. Uansett so vart det sett ned ei arbeidsgruppa på tvers av gruppene på årsmøtet. 2 frå styret i Sogndal Idrettslag Fotball og 2 frå styret i Sogndal Idrettslag. Dialog oppretta.
Eg sjølv vart idioterklært av fleire i det rommet. Det er eg heilt sikker på, men det lev eg fint med. Eg vil kun det beste for klubben. Det skal det ikkje vere nokon tvil om.
Eg kjem heller ikkje unna logosaka frå 2005/06. Her vart det brent mange bruer. Heile prosessen var feil frå ende til annan. I følgje vedtekter til gruppene so er det Sogndal Fotball so forpliktar seg til å følgja hovudlaget sin logo, og ikkje motsatt. Det vart bestemt på eit styremøte i Sogndal Fotball at det skulle bytast logo for at den nye skulle vere lettare å framstilla grafisk. Alt vart feil frå ende til annan og Sogndal Idrettslag valgte å følgja Sogndal Fotball i logosaka. Hadde Sogndal Idrettslag sagt nei, so hadde Sogndal Fotball måtte nytta den gamle logoen so fins 1000-vis av på pokalar rundt i heimane i heile bygdi. Og kvar i helsike kom det gule frå? Gledar meg forøvrig til 2026-sesongen. Då skal Sogndal spela i gamlelogoen att. 100-års jubileum, må vita.
So har du Reguleringsplan Fosshaugane. Populært. Planen set ikkje Sogndal Fotball i eit betre lys. Folk likar ikkje å få ting tredd nedover hovudet.
Nominasjonsmøte i Sogndal Arbeidarparti på Villmarka, Leikanger. Det kom ikkje Sogndal Fotball spesielt godt ut av. Det var visst eit meget spesielt møte etter det eg har skjøna.
Når småsponsorane plutsleg ikkje var gode nok, og det minste ein kunne sponsa med var 50.000 kroner. Bli med på laget. Var mange små bedrifter so var misnøgde med den biten, og so ikkje hadde råd å vere med, men so ønskja å vere med.
Og so har ein den evinnelege kampen mellom aldersbestemt og toppfotballsatsinga. Det var ei sak i fjor der A-laget ikkje fekk trent når dei ønskja pga ei aldersbestemt turnering på Fosshaugane og i Sognahallen. Det var ledig på Kvåle Stadion heile dagen. Det var ei tid då A-laget trente på Hafslo heile sumaren. Er me so bortskjemde?
Dette er eit knippe saker so Sogndal Fotball har løyst veldig dårleg og so skapar ringverknaden av korleis folk opplever oss so klubb. Eg vél og omtala klubben so oss for eg føler meg ein del av dette.
Men det so må vere heva over ein kvar tvil er at ein ikkje må sitta inne i bobla si på Fosshaugane og tru at ting ordnar seg av seg sjølv. For det gjer det ikkje. Ein kan endeleg gå ut i avisene og sutra over manglande interesse og likegyldigheit, men lytt til bygdi. Tillitt kjem ikkje rekande på ei fjøl.
Nokre forslag til løysingar.
Styreleiar skal godtgjerast 20% og setta av 1 dag i veka for å koma tettare på klubben og den daglege drifta.
Sogndal Fotball må nytta seg av ein medierådgivar.
Få Ope Møte inn på kalendaren. Ein glimrande arena for alle so bryr seg om Sogndal Fotball. Dette fungerar godt i andre klubbar, kvifor skulle ikkje me få til det òg?
Ver ærlege og spel med opne kort. Ærleg er ein av kjerneverdiane det óg.
Sjå på om det er lurt å ha same styra i Sogndal Idrettslag Fotball og Sogndal Fotball AS.
Relansera 2 av kjerneverdiane, Inkluderande og Ærleg.
Eg likte forøvrig svara til Rasmus i oppfølgingssaka i Sogn Avis. Han er mykje meir optimistisk med tanke på framtida enn Rolf. Og eg gledar meg til Rasmus får starta å jobba skikkeleg. No fekk han nedskjæringar og Coronaviruset tredd nedover øyrene so det er ingen dagar på Fosshaugane so har vore normale etter han tok sjefsstolen.
Eg trur ikkje det blir bygdi so drep klubben, men heller klubben so drep seg sjølv. Og den prosessen kan ein, so Rolf seier, allereie vere godt inne i.
Stao no pao!